काठमाडौं- नेपाली कांग्रेसका सांसद सुनिल शर्मा पक्राउ परेका छन्।
विराटनगरस्थित नोबल मेडिकल कलेज र काठमाडौंको काठमाठौं मेडिकल कलेजका सञ्चालक समेत रहेका शर्मालाई बिहीबार प्रहरीले उनकै निवास गोल्फुटारबाट पक्राउ गरेको हो। सांसद शर्मालाई प्रहरीको केन्द्रीय अनुसन्धान ब्यूरोले पक्राउ गरेको हो।
सांसद शर्माले केही दिनयता संसद् र संसद्बाहिर समेत सुन प्रकरणमा गृहमन्त्री नारायणकाजी श्रेष्ठ र अर्थमन्त्री डा प्रकाशरण महतमाथि नै अनुसन्धान गर्नुपर्ने भन्दै आएका थिए। प्रहरीले भने सांसद शर्मा पक्राउ परेकोबारे केही बताएको छैन।
मोरङ क्षेत्र नम्बर ३ बाट गत मंसिरमा भएको प्रतिनिधि सभा निर्वाचनमा नेपाली कांग्रेसबाट शर्मा निर्वाचित भएका थिए। शर्मा काठमाडौं मेडिकल कलेज र विराटनगरस्थित नोबल मेडिकल कलेजका सञ्चालक हुन्।
कमेन्ट गर्नुहोस्