ललिता निवास प्रकरण: पक्राउ परेका सबैलाई तारेखमा छोड्न आदेश, कोसँग कति धरौटी माग ?

काठमाडौँ — ललिता निवासस्थित सरकारी जग्गा हिनामिना प्रकरणका जोडिएको अभियोगमा पक्राउ परेका १८ जनालाई तारेखमा छोड्न जिल्ला अदालत काठमाडौंले आदेश दिएको छ ।

न्यायाधीश भोलानाथ ढकालको इजलासले १७ जनालाई धरौटीमा र एकजनालाई साधारण तारेखमा छोड्न आदेश दिएको हो । अदालतले भाटभटेनी सुपरस्टोरका सञ्चालक मीनबहादुर गुरुङसँग २ करोड ४६ लाख धरौटी माग गरेको छ । ललिता निवास परिसरको सरकारी जग्गा हिनामिना प्रकरणमा संलग्न भएको अभियोगमा बहालवाला सचिव कृष्णबहादुर राउत, सहसचिव सुशील वैद्य, पूर्व उपप्रधानमन्त्री विजयकुमार गच्छदारसमेत चार पूर्वमन्त्री, ६ पूर्वसचिवसहित ३११ जनाविरुद्ध जिल्ला अदालत काठमाडौंमा भदौ १० गते मुद्दा दायर भएको थियो । यसमध्ये २१ जना मृत्यु भइसकेका व्यक्ति थिए ।

प्रहरीको केन्द्रीय अनुसन्धान ब्युरो (सीआईबी) को अनुसन्धानपछि सरकारी वकिल कार्यालयले अभियोगपत्र अदालतमा पेश गरेको थियो ।

यस्तो छ धरौटीको विवरण :

मिनबहादुर गुरुङ       २ करोड ४६ लाख

कलाधर देउजा      १५ लाख

विनोदप्रसाद पौडेल      १५ लाख

रुद्रकुमार श्रेष्ठ     ७ लाख ५० हजार

बालकृष्ण श्रेष्ठ      ७ लाख ५० हजार

गोपल कार्की        ७ लाख ५० हजार

धमनकुमार कार्की    ७ लाख ५० हजार

योगराज पौडेल        ७ लाख ५० हजार

नारायणराज मिश्र      ७ लाख ५० हजार

अरुणकुमार श्रेष्ठ       ७ लाख ५० हजार

लोकहरी घिमिरे         ७ लाख ५० हजार

शिवजी भट्टराई          ३ लाख ३० हजार

ध्रुवप्रसाद अर्याल        ३ लाख ३० हजार

बाबुराजा महर्जन         १ लाख १० हजार

देवनारायण                 १ लाख १० हजार

सकलानन्द                १ लाख १० हजार

संजय महर्जन             १ लाख १० हजार

केशव तुलाधर            साधारण तारेख