काभ्रे । रोशी गाउँपालिकामा अज्ञात समूहले काराेडाैं पर्ने बुद्धचित्तको रूख काटेको प्रहरीले जनाएकाे छ।
बिहीबार राति रोशी-५ नागबेलीस्थित ठाकुरानी तामाङको बारीमा रहेको बुद्ध चित्तको बोट काटिएको जिल्ला प्रहरी कार्यालय काभ्रेका डीएसपी राजकुमार श्रेष्ठले जानकारी दिए।
फूल फुल्दै गरेको बुद्धचित्तको रूख काटिएको हो । गए राति १ बजे हातहतियारसहित आएका झण्डै २० जनाको समूहले डरत्रास देखाउँदै बुद्धचित्तको रूख काटेको पाइएको डीएसपी श्रेष्ठले बताए ।
उनीहरुले आँगनमा चार वटा घरेलु सकेट बम राखेकाे पनि प्रहरीले जनाएकाे छ । घरनजिकै जनमुक्ति सेना नेपाल लेखेको ज्याकेट पनि फेला परेको प्रहरीले जनाएको छ ।
समिर त्रिपाठी भन्ने व्यक्तिलाई सो रूख ३ करोड रूपैयाँ ठेक्कामा लगाइएको जानकारी प्रहरीले पाएकाे छ ।
घटनाबारे प्रहरीले अनुसन्धान थालेकाे छ ।
कमेन्ट गर्नुहोस्