पाल्पा। शुक्रबार राती जन्ती लिएर पाल्पाको निस्दी खाँदरबाट सहलकोटतर्फ जाने क्रममा जिप दुर्घटनामा परी १० जना घाइते भएका छन ।
जसमध्ये एक जनाको अवस्था गम्भिर रहेको छ । पाल्पाको निस्दी–३, खाँदरमा जिप दुर्घटना हुँदा १० जना घाइते भएको प्रहरीले जनाएको छ ।
शुक्रबार राती लु १ ज २५३५ नम्बरको जिप जन्ती लिएर निस्दी खाँदरबाट सहलकोटतर्फ जाने क्रममा सो दुर्घटना भएको हो ।
भित्री कच्ची सडकमा दुर्घटना हुँदा जिपमा सवार १७ जनामध्ये १० जना घाइते हुन पुगेका थिए । घाइतेहरूको उपचारका लागि रामपुर अस्पतालमा पठाइएको छ ।
सो जीपका चालक फरार रहेकाले खोजी कार्य जारी राखिएको छ ।
कमेन्ट गर्नुहोस्